Մրցաշարի 5-րդ տուրի ամփոփում

ՄԳ նորմայով մրցաշարի 5-րդ տուրում միանձնյա առաջատար Պուր Աղա Բալան սև խաղաքարերով ոչ-ոքի գրանցեց ՄԳ Սերգեյ Լոբանովի հետ, իսկ ահա ՄՎ Դավիթ Շահինյանը և ՄՎ Դանեշվար Բարդիան տոնելով հաղթանակ միավորներով հավասարվեցին առաջատարին և այժմ 3.5- ական միավորով կիսում են 1-3 տեղերը:

ՄՎ նորմայով մրցաշարում 5-րդ տուրը բավականին բարդ էր առաջատարների համար` ՖՎ Ռոբերտ Փիլիպոսյանը ոչ-ոքի խաղաց Ռուդոլֆ Փաշիկյանի հետ և դա բավարար եղավ մրցաշարի միանձնյա առաջատար դառնալու համար, իսկ ՎԹ Բենիկ Ագասարովը ցավալի պարտություն կրեց ՖՎ Նիկոլայ Ավերինից։

ՖՎ Ալեքս Սահակյանը 4 անընդմեջ ոչ-ոքիներից հետո տոնեց հաղթանակ ՖՎ Արսեն Դավթյանի նկատմամբ և այժմ Ագասարովի և Ավերինի հետ կիսում է 2-4-րդ հորիզոնականները։